Dios na samuyang Ama. Ika mamomoton, maheherakon asin maimbodon.

Pakosoga an samong pagtubod asin pagkamoot saimo tanganing gamiton mi an blogging bilang kasangkapan sa pag-otob kan saimong kabotan. Logod kami magin bloggers nin katotoohan asin tagapamareta nin katoninongan.

Tabangan mo kamo na magin pusog sa samong katongdan bilang mga Kristyano tanganing mahiling kan samong mga bisita an mga blogs na burabod nin kosog nin boot asin inspirasyon. Tawan mo kami nin kosog na maibalangibog an saimong tataramon, na magampanan mi logod an samong katongdan sa pagrompag kan kaolangan na iyo an kaongisan sa kinaban asin gamiton an blogs sa pagpapusog nin pagkamoot, pagkasararo asin pag-iribahan.

Gibohang mahoyo asin mapakumbaba an samong mga puso tanganing pakiibanhan mi an an mga nagbabarasa bilang katood, maghingowa man logod kaming magbago kan samuyang sadiri pasiring sa karahayan bago sa samong site templates, tawan mi logod nin panahon na maibsan an sakit kan samong mga katood kaysa magsimbag kami nin mga tuyaw sa mga tawong dai mi midbid, na mas orog logod kaming makiiba sa samong mga katood kaysa sa pakikipag-chat sa samong blogrolled friends, na logod kami magin mapagmangno sa pagtabang kan mga nagkakaipo kaysa sa mga subscribers kan RSS feeds.

Ama, agawa kami sa mga spasms asin viruses, sa pagka makasadiri asin kapaabaw-abawan, asin sa sogot na arogon an mga ladawan sa dai man togot asin sa pag arog kan mga kaisipan kan iba na dai midbid an may kagibohan.

Magkasararo logod kami bilang mga bloggers asin katood na nagtatrabaho sa saimong ngaran. Darahon logod kami kan blogs pasiring sa saimo.

Ini hinahagad mi huli ki Cirsto na samong Kagurangnan. Amen

________________

This prayer is a Bikol translation of “A Blogger’s Prayer“, which I composed for the Philippine Blog Awards 2007. This version is courtesy of Fr. Edgar “Tong” Sayson, the parish priest of “Our Lady of the Gate Parish” in Daraga, Albay. The Bikol language has many variants, and this translation is Bikol-Legazpi. There is also a Tagalog, Kinaray-a, Mangyan and a Spanish version of this prayer.